Публикации » Урăх йышши гражданлăх пуррине пĕлтермелле

27 августа 2014 г.

2014 çулхи августăн 4-мĕшĕнчен "Раççей Федерацийĕн гражданлăхĕ çинчен" Федераллă саккунăн 6 тата 30-мĕш статйисене тата Раççей Федерацийĕн уйрăм саккун акчĕсене улшăнусем кĕртесси çинчен" 142-мĕш Федераллă саккун вăя кĕчĕ. Çак саккун Раççей гражданĕсене иккĕмĕш (ют çĕр-шыв) гражданлăхне йышăнсан ним тăхтаса тăмасăр Раççейри федераллă миграци службин территорири органне пĕлтерме хистет. Урăх гражданлăх илнĕ хыççăн çакăн çинчен 60 кун хушшинче пĕлтермелле. Çакă Раççей Федерацийĕн тулашĕнче пĕрмаях пурăнакан Раççей гражданĕсене тата иккĕллĕ гражданлăх пирки килĕшỹ тунă çĕр-шыв гражданĕсене (Таджикистан тата Туркменистан çыннисене) кăна пырса тивмест. Çавăн пекех ачасен иккĕмĕш гражданлăх пур пулсан та ФМС-а пĕлтермелле. Федераллă саккун вăя кĕнĕ кун тĕлне çыннăн иккĕмĕш гражданлăх пулнă-тăк, вăл çакăн çинчен миграци службине 2014 çулхи октябрĕн 4-мĕшĕччен пĕлтерме тивĕç. Раççей гражданлăхне йышăннă тата Раççей Федерацийĕн паспорчĕ пур пулсан та çакă урăх гражданлăх çуккине çирĕплетмест. Кун пек чухне документ çук пирки çирĕплетме май килмест пулсан _ çырса пĕлтермелле. Урăх гражданлăх çинчен çырса пĕлтермелли йĕркене Раççей ФМС-ĕ 450№ хушупа çирĕплетнĕ, вăл 2014 çулхи августăн 17-мĕшĕнчен вăя кĕнĕ. Иккĕмĕш гражданлăх пуррине вăрттăнлăхра тытнă граждансене 200 пин тенкĕ таран штрафлаççĕ е 400 сехете яхăн ĕçлеттерме йышăнаççĕ. Енчен те заявленире суя е тĕрĕс мар сведенисем кăтартнă, çавăн пекех территорири миграци службине сведенисене вăхăтра тăратман пулсан 500-1000 тенкĕ штраф параççĕ.

РФ ФМС-н Чăваш Республикинчи управленийĕн территори пункчĕ.