Публикации » Чăваш Ен Пуçлăхĕ Михаил Игнатьев Дмитрий Медведев премьер-министра республикăри шкулсем вĕренỹ çулне хатĕррине пĕлтернĕ

01 сентября 2014 г.

Августăн 27-мĕшĕнче Чăваш Ен Пуçлăхĕ Михаил Игнатьев Мускавра 2014-2015 çулсенчи вĕренỹ тытăмне хатĕрленсе çитнипе çыхăннă канашлăва хутшăннă. Канашлăва Раççей Федерацийĕн Правительствин Председателĕ Дмитрий Медведев ирттернĕ. Чăваш Ен Пуçлăхĕ Михаил Игнатьев Дмитрий Медведев премьер-министра республикăри пĕтĕмĕшле пĕлỹ паракан пур шкул та ачасене йышăнма хатĕрри çинчен каланă. Çĕнĕ вĕренỹ çулĕнче пĕрремĕш класа пĕлтĕрхинчен 500 ача ытларах каять. Вĕренỹ çулне хатĕрленме пурĕ 1 млрд та 800 млн тенкĕ уйăрнă. Михаил Игнатьев çавăн пекех Украинăран вăхăтлăха тарса килнĕ çынсен 133 ачи пĕтĕмĕшле пĕлỹ паракан шкулсенче вĕренме пуçласси тата 45 ача садиксене çỹреме тытăнни çинчен каланă. Республика Пуçлăхĕ 26 ялти шкулсенчи спорт залĕсене тĕпрен юсаса çĕнетме 22 млн тенкĕ уйăрнине палăртнă. Çĕнĕ вĕренỹ çулĕнче республикăра 1076 вĕренỹ учрежденийĕ ĕçлĕ, вĕсенче 351 пин ачана пĕлỹ парĕç. Юлашки 3 çулта Чăваш Енре 23 ача сачĕ хута кайнă тата 14 пине яхăн вырăн туса панă.

Чăваш Республикин Пуçлăхĕн Администрацийĕн пресс-служби.