01 сентября 2014 г.
- Республика Пуçлăхĕ Михаил Игнатьев районсемпе хуласен пуçлăхĕсене Сывлăх профильне хатĕрлеме хушнă, çакă халăхăн сывлăхне çирĕплетессипе тата пурнăç шайне ỹстерессипе çыхăннă. Сывлăх профильне хатĕрленĕ май уйрăмах тĕрĕс апатланассине, экологи хăрушсăрлăхне, таса шывпа сывлăша, çул-йĕр çинче аманассине асăрхаттарассине, спиртлă продукцие сутма чарассине, ĕç сыхлавне, инвалидсене чăрмавсăр хутлăхпа тивĕçтерессине, массăллă спорта аталантарассине тата ыттине тимлĕх уйăрĕç.
- Çак кунсенче ĕçпе тивĕçтерекен центр специалисчĕсем района килсе çитнĕ Украина çыннисемпе тĕл пулнă, ĕç рынокĕнчи лару-тăрупа, республикăра ĕç тупма пулăшакан терминалпа паллаштарнă.
- Иртнĕ тунти кун районти 33-мĕш пушар чаçĕн ĕçченĕсем А.Ярылкинпа Ю.Данилов тата Хусанушкăнь ял тăрăхĕн специалисчĕ А.Мокеева Иккĕмĕш Хурашаш ялĕнчи уйрăм кил-çуртсенче пурăнакансем пушар хăрушсăрлăх правилисене мĕнле пăхăннине тĕрĕсленĕ, сĕнỹсем панă.
- Августăн 27-мĕшĕ тĕлне районти хуçалăхсем пĕрчĕллĕ тата пăрçа йышши культурăсен мĕн пур лаптăкĕн 75,7 процентне тирпейленĕ. 6123 тонна тĕш тырă çапса илнĕ. Районăн вăтам тухăçĕ гектар пуçне 18,5 центнерпа танлашать. Кĕрхи пĕрчĕллĕ культурăсен вăрлăхне 452 тонна акнă. Иртнĕ эрнерех кĕр акине "Коминтерн", "Нива" ЯХПК-сем тата Н.Лисаев фермер тухнă.