08 сентября 2014 г.
Çичĕ уйăх кăтартăвĕсемпе Чăваш Ен промышленность производствин индекс шайĕпе федерацин Атăлçи округĕнче виççĕмĕш вырăн йышăнчĕ. ЧР Пуçлăхĕ Михаил Игнатьев экономика аталанăвĕн, промышленность тата суту-илỹ министерствин коллегийĕн тухса çỹрекен ларăвне хутшăннă. Унта Чăваш Республикин промышленность комплексĕн çичĕ уйăхри ĕçне пĕтĕмлетнĕ, республикăри ертсе пыракан предприятисен ертỹçисене тухăçлă ĕçленĕшĕн тав тунă. Палăртма кăмăллă, "Вăрнарти аш-какай комбиначĕ, "АККОНД", "Букет Чувашии", "Элара", "Экра" тата ытти предприятисем производство калăпăшне самай ỹстернĕ. Республикăри предприятисен производство калăпăшĕ хăпарса пынине ырламалла çеç. Ỹсĕмре районти потребительсен обществин тỹпи те пур. Сăмахран, иккĕмĕш квартал пĕтĕмлетĕвĕсемпе республикăри потребкоопераци предприятийĕсем хушшинче райпо çăкăр изделийĕсем тата пылак шывсем туса кăларассипе пĕрремĕш, сĕт тата улма-çырла туянассипе иккĕмĕш, пахча çимĕç тата аш-какай туянассипе, кондитер изделийĕсене туса кăларассипе, çавăн пекех обществăлла апатланăва аталантарассипе виççĕмĕш вырăн йышăнма пултарнă. А.ДМИТРИЕВА.