Публикации » Çăмăллăхсем кирлех

08 сентября 2014 г.

Районти ветерансен пĕрлешĕвĕн организацийĕ аслă ăрури çынсен пурнăçĕпе çыхăннă ыйтусене малти вырăна хурать. Августăн 25-мĕшĕнче иртнĕ черетлĕ пленумра акă ветерансен пĕрлешĕвĕн ертỹçи Галина Тимакова Раççей Федерацийĕн "Ветерансем çинчен" саккун мĕнле пурнăçланни, социаллă пулăшупа тивĕçтерекен центр специалисчĕ Светлана Орлова Атнарти тата Березовкăри вăхăтлăх пурăнмалли çуртсен ĕç-хĕлĕ пирки, районти пенсионерсен пĕрлешĕвĕн ертỹçи Юрий Егоров "Аслă ăрури çынсене _ чыс та хисеп" ятпа иртекен уйăхлăхăн планне çирĕплетесси çинчен, ял хуçалăх тытăмĕнче ĕçлесе тивĕçлĕ канăва тухнă ветерансен канашĕн ертỹçи Николай Яхатин ялти çынсене тĕрев тата çăмăллăхсем кирлине, инвалидсен канашĕн председателĕ Евдокия Сергеева аслă ăру çыннисене тĕрлĕ енлĕ хавхалантармалли майсем çинчен каларĕç. Пурнăçăн тĕрлĕ енлĕ ыйтăвĕсене çĕкленипе пĕрлех канашлăва пухăннисем Аслă Çĕнтерỹ тунăранпа 70 çул çитнине хатĕрленсе районти халăх музейĕн ĕçне тĕпрен лайăхлатмалли çинче чарăнса тăчĕç. В.РОМАНОВ.