Публикации » Килĕшỹ çырмасăрах ĕçлеттернĕ

17 сентября 2014 г.

Район прокуратури В.Крыцов уйрăм предприниматель ĕç саккунĕ ыйтнине еплерех пурнăçланине тĕрĕслерĕ, çитменлĕхсем тупса палăртрĕ. Асăннă предприниматель халăха автотранспорт хатĕрĕсене юсаса пулăшать. Унсăр пуçне автосервисра виçĕ çын тăрăшать. Ĕçченĕсене ятарлă тумпа тата хỹтĕлев хатĕрĕсемпе тивĕçтересси кирлĕ шайра пулса пыманнине тупса палăртрĕ прокуратура. Предприниматель пĕр ĕçченĕ çине те ятарлă хатĕрсемпе тата тумсемпе тивĕçтернине ĕнентерекен уйрăм учет карточкисене тултарман пулнă. Çавăн пекех прокуратура ĕç вырăнĕсенчи условисене тишкерчĕ, тĕрĕслев ĕç сыхлавĕ ыйтнине туллин пăхăнманнине кăтартрĕ. Унти юсав зонин мастерĕ А.Киргизов ĕç килĕшĕвĕсĕрех тăрăшать-мĕн. Фактсем Ĕç кодексĕн 67 статйин нормисене пăснине çирĕплетеççĕ. Предпринимателĕн РФ КоАП-ĕн 5.27 статйин 1 пайĕпе административлă явап тытма тивет.

С.ДАНИЛОВ, район прокурорĕн çумĕ.