22 сентября 2014 г.
Сентябрĕн 18-мĕшĕнче Чăваш Ен Пуçлăхĕ Михаил Игнатьев Мускавра иртнĕ РФ Патшалăх Канашĕн ларăвне хутшăннă. Раççей ВТО-на кĕнĕ май тĕнче шайĕнчи рынокра конкуренцие юрăхлă продукци хатĕрлес ыйтăва пăхса тухнă тата таварсен пахалăхĕ пирки канашланă. Ларăва уçнă май Раççей Президенчĕ Владимир Путин юлашки вунă çул хушшинче çĕр-шыв экономикинче пысăк пĕлтерĕшлĕ улшăнусем пулса иртнине, предпринимательлĕх климачĕ палăрмаллах лайăхланнине каланă. 16 çула пынă калаçусеем хыççăн Раççей ВТО-на кĕчĕ. Анчах та Хĕвел Анăç санкцийĕсем ирĕклĕ тата тỹрĕ конкуренци принципĕсене пăсаççĕ. Санкцисем çине йышăннă хирĕçле мерăсем хамăр патра тавар туса кăларакансене хỹтĕлессипе çыхăннă. Раççей ВТО-на кĕнĕренпе Чăваш Республикинче шалти рынокра импорт продукцийĕн пайĕ ỹснĕ. Çавăн пекех республикăри предприятисем валли ют çĕр-шывсенчен пысăк технологиллĕ оборудовани кỹрсе килеççĕ. Экономика ĕç-хĕлне тишкернĕ май çакă палăрать _ конкуренцие юрăхлисен шутне Чăваш Енре апат-çимĕç туса кăларасси, хими, металлурги, электрооборудовани производствисем тата ытти кĕрет. Республикăри хăш-пĕр предприятисен экспорт калăпăшĕ те ỹссех пырать. Тĕслĕхрен, "Акконд" УАО-н тавара экспортпа тăратнин шучĕ 2010 çулта 454 пулнă пулсан, 2013 çулта 784 çитнĕ.
ЧР ПА пресс-служби.