22 сентября 2014 г.
(Вĕçĕ. Пуçламăшĕ иртнĕ номерте). Александр Николаевич СУДЕРКИН. 1926 çулта Шĕмшешре çуралнă. Аслă Отечественнăй вăрçă участникĕ. Вăрçă хыççăн Ленинградра ĕçлесе пурăннă. Подполковник. Илья Николаевич СУДЕРКИН. Шĕмшешре çуралнă. Аслă Отечественнăй вăрçă участникĕ. Орденсемпе медальсене тивĕçнĕ. Инженер-строительте ĕçленĕ, подполковник. Маргарита Николаевна МИХЕЕВА. 1965 çулта Шĕмшешре çуралнă. Тухтăр, медицина наукисен кандидачĕ. Мускавра ĕçлесе пурăнать. Юрий Иванович ХРАМОВ. 1950 çулта Шĕмшешре çуралнă. Казахстанри ватман çĕрсем çинче ĕçленĕ. 1987 çултанпа Шупашкарти 1№ лицейре (электромеханика колледжĕнче) вĕрентет. Радиотехника енĕпе чаплă специалист. "Раççей Федерацийĕн вăтам професси пĕлĕвĕн хисеплĕ ĕçченĕ" ята тивĕçнĕ. Ираида Михайловна ДЬЯЧКОВА. 1982 çулта Пантьăкра çуралнă. Биологи наукисен кандидачĕ. 2007 çултанпа И.Н. Ульянов ячĕллĕ Чăваш патшалăх университетĕнче тимлет, 2013 çултанпа _ медицина биологийĕн кафедрин доценчĕ. Алиса Геннадьевна МИХЕЕВА. 1981 çулта Мăн Этменте çуралнă. 2003 çулта Чăваш патшалăх педагогика университетĕнчен хĕрлĕ дипломпа вĕренсе тухнă. Ют çĕр-шывсенче вĕреннĕ тата ĕçленĕ. 2012 çултанпа Австринчи Вена хулинче вырăс тата нимĕç чĕлхисене вĕрентет. Петр Александрович ФИЛИППОВ. 1943 çулта Утаркассинче çуралнă. Мускавра, Чулхулара вĕреннĕ. 1982 çултанпа ЧР Шалти ĕçсен министерствин тытăмĕнче ĕçленĕ. Саппасри полковник. Хальхи вăхăтра _ "Лифа" фирма директорĕ. Раççей, республика шайĕнчи хисеп хучĕсемпе медальсене тивĕçнĕ. Валерий Александрович РОМАНОВ. 1952 çулта Ваçкаçырминче çуралнă. 1989 çултанпа ЧР Шалти ĕçсен министерствин аппаратĕнче тимленĕ. Полковник. Хальхи вăхăтра "ЧЭАЗ-1 площадка" ТЯО директорĕ. "Шалти ĕçсен органĕсенчи тивĕçлĕ службăшăн" медалĕн пур степеньне те тивĕçнĕ. Чăваш Республикин тава тивĕçлĕ юрисчĕ. "Чăваш Республики умĕнчи тава тивĕçлĕ ĕçсемшĕн" орден медалĕпе наградăланă (2012ç.).
Н.ПОЛОЗИН, истори учителĕ.