24 сентября 2014 г.
Çакăн пек ятпа республикăра сентябрь-декабрь уйăхĕсенче наркотиксене хирĕç Пĕтĕм Раççейри профилактика акцийĕ пырать. Унпа килĕшỹллĕн Наркотик çаврăнăшне тĕрĕслесе тăракан федераллă службăн республикăри управленийĕн ĕçченĕсем хутшăннипе вĕренỹ учрежденийĕсенче Уçă алăксен кунĕсем, профилактика калаçăвĕсем, видеолекторисем, "Çамрăксем сывă пурнăç йĕркишĕн" республика акцийĕн кĕркуннехи тапхăрне, семинар-тренингсем, кинолекторисем тата ытти йышши мероприятисем ирттереççĕ. Çавăн пекех сентябрĕн 15-25-мĕшĕсенче "Раççей ачисем" Пĕтĕм Раççейри ведомствăсем хушшинчи комплекслă, оперативлă тата профилактика операцийĕ иртет. Çỹлерех асăннă акцисене çул çитмен çамрăксем хушшинче наркомани сарăлнине асăрхаттарас, наркотиксен çаврăнăшĕпе çыхăннă преступлениллĕ ĕç-хĕле явăçтарнă тĕслĕхсене тупса палăртас тĕллевпе йĕркелеççĕ. Наркотиксен çаврăнăшĕпе çыхăннă ыйтусемпе "шанăç телефонĕпе" _ 8(8352)23-01-00 _ шăнкăравлама май пур. Унпа çыхăнсан яланах тивĕçлĕ хурав, сĕнỹ, пулăшу парĕç.