Публикации » Республика Пуçлăхĕ ячĕпе Тав çырăвĕсем килнĕ

01 октября 2014 г.

Чăваш Республикин Пуçлăхĕ Михаил Игнатьев ячĕпе сентябрь уйăхĕнче виçĕ Тав çырăвĕ килсе çитнĕ. Пĕри - кăçалхи август уйăхĕн 25-29-мĕш кунĕсенче Раççей шыв каналĕсен çиччĕмĕш конференцине çỹллĕ шайра йĕркелесе ирттерме пулăшнăшăн шывпа тивĕçтерекенсен Раççейри ассоциацийĕнчен килнĕ. Тепĕр Тав çырăвĕ вара Канашри транспортпа энергетика техникумĕн коллективĕнчен тата нумай хваттерлĕ çуртсенче пурăнакансенчен çитнĕ. Вĕсем1300 метр тăршшĕ тротуар сарса парса пулăшнăшăн тав сăмахĕ калаççĕ - Раççейри 25 регионтан вĕренекен студентсемшĕн тата техникумра вăй хуракансемшĕн çак ĕç чăннипех пысăк пĕлтерĕшлĕ. Муравленко хулинчи чăвашсен "Пĕрлĕлĕх" наципе культура автономийĕ вара Михаил Игнатьева Ямал- Ненец автономи округĕпе экономика килĕшĕвĕ тунăшăн Тав тăвать.

А.КАРПОВА.