06 октября 2014 г.
Октябрĕн 9-11-мĕшĕсенче "Раççей _ спорт çĕр-шывĕ" форума хутшăнакансемпе хăнасем валли халăхсем хушшинчи куравсем тата Раççейри çывăх вăхăтра иртекен пысăк спорт мероприятийĕсене, профильлĕ пичет продукцийĕсене, мультимедиа тата Интернет-ресурссене, спорт отраслĕн инноваци аталанăвне халалланă экспозицисем ĕçлĕç. Сăмахран, "Хальхи спорт. Инновацисем тата пуласлăх" курава массăллă спорта аталантарас, "Ĕçпе хỹтĕлеве хатĕр" комплекса чĕртессине халаллĕç. "Спорт республика пурнăçĕнче" фотокурав Раççей спортсменĕсен çитĕнĕвĕсемпе, "Субъектсен аллейи" экспозицисен стенчĕ регионсен спорт аталанăвĕн уйрăмлăхĕсемпе паллаштарĕ. Куравсен комплексĕ форумăн чи пысăк масштаблă проекчĕ шутланать, вăл федераци тата регион шайĕнчи патшалăх власть органĕсен представителĕсене кăна мар, бизнес пĕрлешĕвĕсене те пĕр лапама пухĕ. А.ДМИТРИЕВА.