08 октября 2014 г.
Ĕнер районти Культурăпа кану центрĕнче вĕрентекенсемпе воспитательсене халалланă уяв иртрĕ. Пухăннисене ЧР Тĕрĕслевпе шутлав палатин председателĕ Татьяна Минина, ЧР Патшалăх Канашĕн депутачĕ Валерий Павлов, район пуçлăхĕ Александр Степанов, район администрацийĕн пуçлăхĕ Александр Башкиров тата ыттисем саламларĕç. Ачасен пултарулăх ушкăнĕсем тата педагогсем хăйсен ташши-юррисемпе савăнтарчĕç. Салам сăмахĕсем нумай янăрарĕç уявра _ районти чылай учительпе воспитатель тĕрлĕ наградăна тивĕçрĕ. - "Раççей Федерацийĕн пĕтĕмĕшле вĕрентĕвĕн хисеплĕ ĕçченĕ" ята Çĕн Атикасси шкулĕн физкультура учителĕ Светлана Николаевна Петрейкина, Ачасен пултарулăх çурчĕн директорĕ Валентина Матвеевна Коракова, "Пилеш" ача сачĕн воспитателĕ Надежда Григорьевна Галичанова тивĕçрĕç. - ЧР Патшалăх Канашĕн Николай Маловăн укçан паракан хавхалантарăвне (уйăхсерен пĕр пин тенкĕ) кăçалхи сентябрьтен пуçласа çитес çулхи май уйăхĕччен Хĕрлĕ Чутайри вăтам шкулта математика вĕрентекен Надежда Витальевна Тимакова, Çĕн Атикассинчи вăтам шкул директорĕ Валентина Анисимовна Ядранская, Питĕркассинчи вăтам шкулта акăлчан чĕлхине вĕрентекен Любовь Степановна Архипова, Мăн Этменти вăтам шкулта информатика вĕрентекен Николай Михайлович Фадеев, Атнарти вăтам шкулта химипе биологи вĕрентекен Сергей Дмитриевич Мигушкин илсе тăрĕç. - "Единая Россия" партин Тав çырăвне райадминистрацин вĕренỹ пайĕн методисчĕ Татьяна Ивановна Улянды, Хĕрлĕ Чутай вăтам шкулĕн вĕрентекенĕ Татьяна Петровна Захарова, Питĕркассинчи вăтам шкул учителĕ Ольга Николаевна Фондеркина тивĕçрĕç. - ЧР Патшалăх Канашĕн депутачĕн Валерий Павловăн премийĕсене Çĕн Атикасси шкулĕн вĕрентекенне Ираида Леонидовна Евсеевана, "Хĕвел" ача сачĕн воспитатель пулăшуçине Алина Алексеевна Кодякована, Шулю шкулĕн вĕрентекенне Инна Валерьевна Ульянована, "Пилеш" ача сачĕн кладовщикне Лидия Сергеевна Лентюкована, "Хастар" ФСК директорне Вячеслав Витальевич Дадюкова, Штанаш шкулĕн вĕрентекенне Галина Вячеславовна Зотована парса чысларĕç. - Вĕренекенсем хушшинче физкультурăпа массăллă ĕç ирттерме условисем туса панăшăн тата Пĕтĕм Раççейри "Президент ăмăртăвĕсене" ăнăçлă хутшăннăшăн Чăваш Республикин Вĕренỹ министерствин Тав сăмахне райадминистрацин вĕренỹ пайĕн начальникĕ Алексей Юрьевич Порфирьев тивĕçрĕ. - Çитĕнекен ăрăва вĕрентес тата воспитани парас ĕçре ăнăçлă тăрăшнăшăн Серенкассинчи ача сачĕн воспитательне Зоя Петровна Мидейкинана Чăваш Республикин Вĕренỹ министерствин Хисеп грамотине парса чысларĕç. - Район пуçлăхĕн Тав çырăвĕсене Питĕркасси шкулĕ çумĕнчи ача сачĕн воспитателĕ Татьяна Михайловна Тимкина, "Хĕвел" ача садĕнче документсемпе ĕçлекен Ульяна Юрьевна Селиванова, Шулю шкулĕн вĕрентекенĕ Елена Николаевна Кудряшова, Ачасен пултарулăх çурчĕн педагогĕ Геннадий Владимирович Орлов тивĕçрĕç. - Район администрацийĕн пуçлăхĕн 10 пин тенкĕпе танлашакан сертификатне Мăн Этмен шкулĕн истори учителĕ Николай Иванович Полозин кĕнеке кăларнăшăн тивĕçрĕ. - Кăтартуллă ĕçленĕшĕн район администрацийĕн Хисеп грамотине Çĕн Атикасси шкулĕн вĕрентекенĕ Ольга Родиславовна Иванова, Питĕркасси шкулĕн вĕрентекенĕ Марина Витальевна Парфенова тата шкул хуралçи Юрий Валерьевич Афанасьев, "Хастар" ФСК тирпейлỹçи Елена Александровна Бронюкова, "Хĕвел" ача сачĕн воспитателĕсем Алена Ивановна Сарина тата Людмила Константиновна Утриванова, "Пилеш" ача сачĕн психологĕ Надежда Геннадьевна Печникова тата Лариса Петровна Васькова аслă воспитатель, Хĕрлĕ Чутайри вăтам шкул директорĕ Ирина Алексеевна Романова тата Эдуард Васильевич Романов вĕрентекен тивĕçрĕç. Алина КАРПОВА.