Публикации » Педагогика ĕçĕн ветеранĕ - 90 çулта

08 октября 2014 г.

Вăрçă ветеранĕсене, тылра вăй хунисене 90 çулхи тата ун хыççăнхи юбилейĕсем ячĕпе Раççей Президенчĕн Çырăвĕпе саламласси ырă йăлана кĕчĕ. Акă октябрĕн 3-мĕшĕнче Шĕмшеш ялĕнче пурăнакан Мария Николаевна Шалтайкина хăйĕн 90 çулхи юбилейне кĕтсе илнĕ, Президент Çырăвне, район администрацийĕн саламне тата хăнасен ыр сăмахĕсене тивĕçнĕ. Ĕмĕрне шкулпа çыхăнтарнă Мария Шалтайкина _ 40 çула яхăн педагогика ĕçĕнче вăй хунă. Паянхи кун ватă пĕччен пурăнать. Ун патне çывăх тăванĕсем килсех тăраççĕ, хуçалăхра пулăшаççĕ. Пĕртен-пĕр юратнă хĕрĕ Украинăра пурăннă май тăван амăшĕ патне тăтăшах килсе çỹрейменни кăна пăшăрхантарать ватăна. А.АЛЕКСЕЕВА.