Публикации » Пĕтĕмĕшле вĕрентĕвĕн хисеплĕ ĕçченĕсем

15 октября 2014 г.

Ача чухне эпир пурте воспитательсемпе учительсен тимлĕ аллисем витĕр тухатпăр. Вĕсем тăрăшнипе эпир пĕлỹ илнисĕр пуçне хамăра çынсем хушшинче мĕнле тытмаллине те вĕренетпĕр. Педагогсемех пирте çынлăх туйăмне вăратаççĕ. Педагогăн ырă ятне чыслăн çỹллĕ шайра тытакансене чысларĕç октябрĕн 7-мĕшĕнче районти Культурăпа кану центрĕнче. Вĕсем хушшинче "Раççей Федерацийĕн пĕтĕмĕшле вĕрентĕвĕн хисеплĕ ĕçченĕ" ята тивĕçнисем те пулчĕç. Вĕрентỹпе воспитани ĕçне йĕркелессинче тата ăна лайăхлатассинче ăнăçусем тунăшăн, çыннăн ăс-тăн, культура тата кăмăл-сипет аталанăвне йĕркеленĕшĕн шăпах çак хисеп паллине "Пилеш" ача сачĕн воспитателĕ Надежда Галичанова, Çĕн Атикассинчи вăтам шкулăн физкультура учителĕ Светлана Петрейкина, Ачасен пултарулăх çурчĕн директорĕ Валентина Коракова тивĕçрĕç. Хăйсен пурнăçне ачасене пĕлỹпе воспитани парас ĕçпе çыхăнтарнă опытлă педагогсене сумлă наградăна Чăваш Республикин Тĕрĕслевпе шутлав палатин председателĕ Татьяна Минина парса чысларĕ. А.КАРПОВА.