15 октября 2014 г.
2014 çулхи августăн 29-мĕшĕнче Чăвашстат ертỹçин Э.Г.Максимован хушăвĕпе 2016 çулта иртекен ял хуçалăх çыравне хатĕрленме штатра тăман служба йĕркеленĕ. Çулталăк вĕçлениччен Чăваш Енре Правительствăн çырав комиссине тата муниципаллă пĕрлĕхсенче комиссисем йĕркелĕç. Аса илтеретпĕр, Пĕтĕм Раççейри ял хуçалăх çыравĕ 2016 çулхи июлĕн 1-мĕшĕнчен пуçласа августăн 15-мĕшĕччен, аякра вырнаçнă тата çитме йывăр вырăнсенче 2016 çулхи сентябрĕн 15-мĕшĕнчен пуçласа ноябрĕн 15-мĕшĕччен пулса иртет. Çыравăн малтанхи пĕтĕмлетĕвĕ тата унăн официаллă пичетленĕвĕ 2017 çулхи IV кварталта, татăклă пĕтĕмлетĕвĕ 2018 çулхи IV кварталта иртет тесе йышăннă. Çакăн пек масштаблă çырав юлашки хут 2006 çулта пулнă. Ун чухне Чăваш Республикинче 1101 ял хуçалăх организацине, 272,1 пине яхăн хăйсен хуçалăхне тытакансене, 2064 хресчен (фермер) хуçалăхĕпе уйрăм предпринимателе, граждансен коммерциллĕ мар 733 сад-пахчине, выльăх-чĕрлĕхпе, суту-илỹпе ĕçлекен пĕрлешĕвне шута илнĕ.
Чăвашстат.