15 октября 2014 г.
Иртнĕ уйăхра, сентябрĕн 15-мĕшĕнче, район прокуратури "Тандер" УАО-н Хĕрлĕ Чутайри "Магнит" лавккинче тĕрĕслевпе пулчĕ, тавар туянакансен прависене хỹтĕлекен саккуна еплерех пурнăçланине тĕпчерĕ. Тĕрĕслев çакна кăтартрĕ: 2014 çулхи сентябрĕн 15-мĕшĕнче "Магнит" лавкка заведующийĕ Г.Храмова "пăхса çитерейменнипе" сентресем çинче усрав вăхăчĕ иртнĕ апат-çимĕç продукчĕ _ "Любимый" торт (2 штук) _ сутăннă. Çакă саккуна пăсни шутланать. Суту-илỹ организацийĕсенче кун пек продуктсене сутма юрамасть. Ĕçе илни пирки калакан хушупа килĕшỹллĕн Г.Храмована "Магнит" лавкка директорне лартнă. Должноçри инструкципе унăн сентресем çинчи таварсен усрав вăхăтне пăхса-сăнаса тăмалла. Ĕçе тивĕçлĕ пурнăçламаншăн асăннă гражданинăн РФ КоАП-ĕн 14.43 статйин 1-мĕш пайĕпе административлă явап тытма, 10 пин тенкĕ штраф тỹлеме тивет.
В.ШОРКИН, район прокурорĕ.