20 октября 2014 г.
Октябрĕн 15-мĕшĕнче районта Пĕрлехи информаци кунĕ иртрĕ. Халăхпа тĕл пулса калаçма Шупшкартан килсе çитнĕ информаци ушкăнĕ район администрацийĕн ĕçченĕсемпе пĕрле тĕрлĕ ялсенче пулчĕ. ЧР Тĕрĕслевпе шутлав палатин председателĕ Татьяна Минина тата район администрацийĕн пуçлăхĕ Александр Башкиров Хусанушкăнь ял тăрăхне çитсе курчĕç. ЧР Патшалăх Канашĕн депутачĕ Валерий Павлов, район пуçлăхĕ Александр Степанов ертсе пыракан ушкăн Атнар ял тăрăхĕнче пурăнакансемпе тĕл пулчĕ.
Пĕрлехи информаци кунĕнче çак темăсене сỹтсе яврĕç:
- Чăваш Республикин 2015 çулхи тата 2016, 2017 çулсенчи план тапхăрĕн бюджет политикин тĕп енĕсем çинчен (тĕплĕнрех Чăваш Республикин официаллă порталĕнче çак адреспа вуласа пĕлме пулать: http,ỸỸwwwĕcapĕruỸSiteMapĕaspx.gov_idç49&idç1880232);
- "Раççей - спорт çĕр-шывĕ" форум пĕтĕмлетĕвĕсем (тĕплĕнрех: http,ỸỸwwwĕcapĕruỸSiteMapĕaspx.gov_idç49&idç1880233); - çынсем пурăнакан вырăнсенче, çул хĕррисенче, çăвасемпе ял тăрăхĕсен çулĕсем çинче тирпей-илемпе хăтлăх кĕртесси çинчен (тĕплĕнрех: http,ỸỸwwwĕcapĕruỸSiteMapĕaspx.gov_idç49&idç1880234);
- республикăри çулсем çинчи авариллĕ лару-тăру (кăçалхи тăхăр уйăх кăтартăвĕсем) (тĕплĕнрех: http,ỸỸwwwĕcapĕruỸSiteMapĕaspx.gov_idç49&idç1880235);
- 2014-2015 çулсенчи кĕркуннехи-хĕллехи тапхăрта пушар хăрушсăрлăхĕн мерисене пăхăнасси (тĕплĕнрех: http,ỸỸwwwĕcapĕruỸSiteMapĕaspx.gov_idç49&idç1880236).
Татьяна МИНИНА, ЧР Тĕрĕслевпе шутлав палатин председателĕ:
- Республикăн бюджет политикине кашни çын хутшăнма пултарать. Бюджета пăхса тухас енĕпе халăх итлевĕсем иртеççĕ, унта çынсем хăйсен шухăшне палăртаяççĕ. Халăх итлевĕсем хăçан пулнине пĕлме вара Интернета кĕрсе пăхма сĕнетĕп. "Раççей _ спорт çĕр-шывĕ" форум иртнĕ кунсенче, октябрĕн 9-10-мĕшĕсенче, Шупашкар тата Çĕнĕ Шупашкар хулисем, Чăваш Республики спорт центрĕ пулса тăчĕ тесен те юрать. Пысăк пĕлтерĕшлĕ спорт уявĕ çĕнĕ çĕнтерỹсем патне ăнтăлма хавхалантарать. Пирĕн ытларах çамрăксене сывă пурнăç йĕркине пăхăнма, спортпа туслашма хăнăхтармалла. Çавăнпа та манăн спорт форумĕ, унăн пĕтĕмлетĕвĕсем пирки шкулсенче ачасене класс сехечĕсенче ăнлантарса пама сĕнес килет. А.ОРИНОВА.