Публикации » Тулли яваплăхпа ĕçленĕшĕн

22 октября 2014 г.

Нумаях пулмасть районта вĕрентекенсемпе воспитательсене халалланă уяв иртрĕ. Унта чылай педагог ырă ята тивĕçрĕ, вĕсенчен пĕри _ Серенкассинчи "Ромашка" ача садĕнче тимлекен Зоя Мидейкина воспитатель. Зоя Петровна асăннă ача садĕнче 11 çул тимлет, унăн педагогикăри пĕтĕмĕшле стажĕ вара _ 23 çул. Аслă пĕлỹллĕ, пĕрремĕш категориллĕ воспитатель ачасене юратнипе, хăйĕн тивĕçне тулли яваплăхпа пурнăçланипе палăрса тăрать. Питĕркассинче пурăнакан педагог инçе çула кĕскетсе кашни кунах Серенкассине васкать, унта ăна пурне те пĕлме çунакан ачасем кĕтеççĕ. Педагогсене халалланă уявра ЧР Тĕрĕслевпе шутлав палатин председателĕ Татьяна Минина Зоя Мидейкинана нумай çул хушши тỹрĕ кăмăлпа ĕçленĕшĕн Чăваш Республикин Вĕренỹ министерствин Хисеп грамотине парса чысларĕ. А.КАРПОВА.