01 ноября 2014 г.
Хĕрлĕ Чутай сали, Ленин урамĕ, 70-мĕш çурт. Кунта халĕ тăлăх е ашшĕ-амăш хỹттисĕр юлнă 17 ача тата унччен авариллĕ кил-çуртра кун кунланă 10 граждан пурăнать. Кĕçнерни кун 27 хваттерлĕ çурта çĕкленĕ "Батыревская МТС" ТЯО строительство организацийĕн генеральнăй директорĕ телейлĕ хваттер хуçисене çăра уççисем парса саламларĕ. Телейлĕ хваттер хуçисем (пурăнма юрăхсăр çуртсенчен куçнисем): Людмила Васильевна Павлова, Владимир Николаевич Иванов, Татьяна Владиславовна Васильева, Сергей Андреевич Медведев, Георгий Кириллович Филиппов, Галина Витальевна Кириллова, Мария Павловна Макарова, Раиса Николаевна Яковлева, Галина Александровна Мидейкина, Евгений Александрович Семенов. Чăвашстат кăтартăвĕсемпе кăçалхи январь-сентябрь уйăхĕсенче республикăра строительство ĕçĕсене 25870,1 млн тенкĕлĕх пурнăçланă. Чылай строительство организацийĕ ĕç калăпăшне ỹстернĕ. Строительство материалĕсем туса кăларасси те ỹснĕ. Тĕслĕхрен, керамика кирпĕчне кăларакан "КЕТРА" завод тăхăр уйăхра 46,1 млн штук кирпĕч кăларнă. Строительство организацийĕсенче ĕçлекенсен 2014 çулхи январь-август уйăхĕсенчи вăтам ĕç укçи 23129,2 тенкĕпе танлашнă, пĕлтĕрхи çак вăхăтрипе танлаштарсан 7,9 процент ытларах. Савăнăçлă лару-тăрура çурта хута янă çĕре пухăннă сумлă хăнасем хĕрлĕ хăйăва касса татнă хыççăн кил хуçисем хăйсен хваттерĕсене кĕчĕç. Вĕсем паянхи пурнăç ыйтăвĕсене туллин тивĕçтереççĕ: ăшă тата сивĕ шыв пур, каяш çуртран юхса тухать, кашнин хутса ăшăтмалли хатĕр, стенасене çыпăçтарнă, урайне сарнă. Пурăнмалли вырăнлă пулнисен нушине ăнланнăшăн, хăйсене пулăшнăшăн строительсене, республика тата район ертỹçисене тăлăх ачасен ячĕпе Анна Абакумова, пурăнма юрăхсăр çуртсенчен куçнисен ячĕпе Галина Мидейкина тав турĕç. А.КАРПОВА.