Публикации » Радар йăнăшсене каçармасть

08 ноября 2014 г.

Хăвăртлăха ỹстерсе çỹрени _ çул-йĕр правилисене пăснин чи анлă сарăлнă тĕсĕ тата аварисен сăлтавĕ. Статистикăна ĕненес-тăк, мĕн пур çул-йĕр аварийĕсен виççĕмĕш пайĕ шăпах хăвăртлăха ỹстерсе çỹренипе пулать. Патшалăх çул-йĕр автоинспекцийĕн инспекторĕсене автотранспорт хатĕрĕсем хăвăртлăха ỹстерсе çỹренине тупса палăртма тата çирĕплетме пулăшакан чи анлă сарăлнă хатĕр вăл _ радар. Ку прибор тиркевсĕр, чăрмавсăр тата лайăх ĕçлеме пултарнипе анлă сарăлнă. Шăпах кун пек радар детектора нумаях пулмасть Мучикасси ялĕ патĕнчи автоçул çинче вырнаçтарнă. Ку стационарлă комплекс çул çинче хăвăртлăх режимне пăснине тупса палăртма пулăшĕ. ПАИ инспекторĕсем пĕлтернĕ тăрăх, вĕсем район территорийĕнче куçса çỹрекен радарпа та усă кураççĕ. Ăна ăçта вырнаçтарнине сиссе юлма йывăр. Çавăнпа çул-йĕр правилисене пăхăннине нимĕн те çитмест. Водительсем, çын пурнăçĕ нимрен те хаклă пулнине ан манăр! Н.ПЕТРОВА.