Публикации » Ĕне сăвакана патшалăх хисеплет

12 ноября 2014 г.

"Коминтерн" ЯХПК-ра ĕнесене сăвас юхăма туллин механизациленĕ. Çакă дояркăсен ĕçне çăмăллатма, санитарипе гигиена условийĕсене çỹллĕ шайра тытма тата пахалăхлă сĕт илме май парать. Ахальтен мар ĕнтĕ хуçалăх кулленех патшалăха сĕте чи пысăк пахалăхпа сутать. Ял хуçалăх предприятийĕн пĕтĕмпе 1078 пуç мăйракаллă шултра выльăх шутланать, вăл шутра 420 ĕне. Вĕсене 11 доярка сăвать. Кăçалхи 10 уйăхра 2100 тонна сĕт суса сутнă, иртнĕ çулхипе танлаштарсан 693 тонна ытларах. Çакăнта Марина Мокрова операторăн тỹпи те пысăк. Хуçалăхра 17 çул вăй хураканскер, 50 ĕне сăвать. Нумаях пулмасть вăл республикăри ял хуçалăх ĕçченĕсен професси уявĕнче Чăваш Патшалăх Канашĕн Хисеп грамотине тивĕçнĕ. Ку наградăна ăна ЧР Патшалăх Канашĕн строительство, вырăнти хăй тытăмлăх, регламент тата депутатсен этикин Комитечĕн председателĕ Николай Малов парса чысланă.

А.ЗАМУТКИНА.