12 ноября 2014 г.
2015 çулхи январĕн 1-мĕшĕнчен ют çĕр-шыв çыннисем валли вырăс чĕлхипе, Раççей историйĕпе тата Раççей Федерацийĕн саккунĕсен никĕсĕсемпе обязательнăй экзамен тытасси вăя кĕрет. Çавна май Чăваш Республикинче çỹлерех асăннă экзамена тытма хатĕрленмелли курссем ĕçлеме тытăнаççĕ. Патент пирки, ĕçлеме, вăхăтлăх пурăнма ирĕк илме кăмăл тăвакан граждансем сертификат илес тĕллевпе экзамена хатĕрленме курссене маларах çỹрееççĕ. Вĕсем кăçалхи апрелĕн 20-мĕшĕнчи 74 № федераллă саккун вăя кĕнĕ хыççăнах кирлĕ документсене илме миграци службине ыйтса çырма пултараççĕ. Курссене вара çак адрессемпе çỹреме май пур: 1. И.Н.Ульянов ячĕллĕ Чăваш патшалăх университечĕн хушма вĕрентĕвĕн центрĕ, Шупашкар хули, Мускав проспекчĕ, 15 çурт, 204К кабинет, тел.: 58-45-74, cdo_chuvsu@bk.ru. 2. Шупашкар хулин çăмăл акăлчан чĕлхин шкулĕ, Карл Маркс урамĕ, 52 çурт, 9в корпус,тел.: 22-96-06.
Елена ШОРНИКОВА, Федераллă Миграци службин районти уйрăмĕн тĕп эксперт специалисчĕ.