Публикации » Энерги перекетлессине çутатакан чи лайăх ĕçсемшĕн

15 ноября 2014 г.

Çулталăк пуçланнăранпах редакци коллективĕ район хаçачĕн страницисенче "Энергетика тухăçлăхĕ" рубрикăра энерги перекетлессипе çыхăннă çирĕме яхăн материал пичетлесе кăларчĕ. Вăл шутра корреспондентсен, прокуратура тата ытти органсенче тăрăшакансен ал çырăвĕсем кун çути курчĕç. Хальхи вăхăтра актуаллă ыйтăва тăрăшса çутатни редакци коллективне черетлĕ çĕнтерỹ парнелерĕ. Ноябрĕн 11-мĕшĕнче Шупашкарта "Чăваш Республикинчи энергетика тухăçлăхне тата энерги перекетлессине ỹстересси" Регионти II конференцире асăннă темăпа çырнă чи лайăх журналист ĕçĕсен конкурс çĕнтерỹçисене чысларĕç. "МИХ-сенче энергетика тухăçлăхне тата энерги перекетлессине ỹстерессине çутатакан чи лайăх кампани" номинацире пирĕн редакци пĕрремĕш вырăн çĕнсе илчĕ. Çак ятпа вăл Чăваш Республикин Строительство, архитектура тата коммуналлă хуçалăх министерствин "Энерги перекетлекен центр" хăй тытăмлă учрежденин Дипломне тата статуэткăна тивĕçрĕ.