Публикации » Ял культурине аталантарма укçа параççĕ

15 ноября 2014 г.

Чăваш Республикин Культура министерстви ирттернĕ конкурссен пĕтĕмлетĕвĕсемпе 2014 çулта муниципаллă культура учрежденийĕсене аталантарма тата оборудовани туянма федераллă тата республика бюджетĕнчен грантсем уйăраççĕ. Палăртма кăмăллă, асăннă укçана тивĕçнисем хушшинче пирĕн районти культура учрежденийĕсем те пур. Питĕркассинчи тата Кив Атикассинчи Культура çурчĕсем кашни 400 пин тенкĕне тивĕçнĕ. Çак укçапа вĕсем сасă, çутă, видео, компьютер оборудованийĕ, сцена çине тухма кирлĕ костюмсем тата музыка инструменчĕсем туянма пултараççĕ. Асăннă конкурс çĕнтерỹçисен шутне кĕнĕ Тралькассинчи Культура çуртĕнче вара юсав ĕçĕсем пыраççĕ те ĕнтĕ. Куракансен залĕнче тата фойере стенасемпе маччана сăрласа илемлетнĕ. Юсав ĕçĕсем культура ĕçченĕсен, ял тăрăхĕн специалисчĕсен тата пултаруллă çамрăксен вăйĕпе пурнăçланаççĕ. А.ТИМОФЕЕВА.