19 ноября 2014 г.
Халăх пĕрлĕхĕн тата Раççейĕн çар мухтавĕн кунĕсене халалланă мероприяти _ республикăри кадетсен кĕркуннехи тĕрĕслевĕ _ иртнĕ ноябрĕн 14-мĕшĕнче Çĕнĕ Шупашкар хулинче. Конкурс программинче 16 хулапа районти 42 кадет класĕ хăйсен пултарулăхĕпе паллаштарнă.
Смотр-конкурс программине пурнăçланă май кадетсем çар кĕрнеклĕхĕпе йăрăс пỹллĕхне, çирĕплĕхĕпе тĕреклĕхне, строй дисциплинине, команда туслăхне кăтартса панă, çĕкленỹллĕн юрласа пĕр харăссăн утнă.
Хĕрлĕ Чутай шкулĕн "Авангард" кадет класĕ аслă ушкăнра _ 9-11-мĕш классенче вĕренекенсем хушшинче иртнĕ хĕрỹ тупăшура _ малти вырăна тухнă, хăйсем чи-чи хастаррисем пулнине тепĕр хут ĕнентерсе панă.
Кадет тумне тăхăнса хастарлăхпа палăрма çăмăл мар. Пирĕн кадетсем халĕччен республика тата Раççей шайĕнчи конкурссене хутшăнса пĕрре мар çĕнтерỹпе таврăннă. Çапах та çулсерен иртекен кĕркуннехи тĕрĕслеве пур кадет та чăтăмсăррăн кĕтет, ятарласа хатĕрленет.
Тăван шкул, район чысне республика шайĕнче хỹтĕлесе пите хĕретме тивменшĕн савăнаççĕ Хĕрлĕ Чутай шкулĕн 9-мĕш кадет класĕнче вĕренекенсем.
- Кăçалхи тĕрĕслевре эпĕ уйрăмах пăлхантăм, мĕншĕн тесен пĕрремĕш хут ушкăна ертсе пытăм. Çапах та, телее, тăрăшса хатĕрленнĕрен тата пирĕн вĕрентекенсем çине тăнăран эпир хамăрăн пăлханăва, шикленĕве парăнтарма пултартăмăр. Шупашкар тата Çĕнĕ Шупашкар кадечĕсене хыçа хăварса эпир, ял ачисем, малти вырăна тухрăмăр, - терĕ кадетсен командирĕ Стас Михопаркин.
- Кун пек мероприятие пĕрремĕш хут хутшăнмастпăр пулин те, пăлхантăмăр. Уйрăмах хамăртан мĕн килнине пĕтĕмпех тунă хыççăн, кăтартусене пĕлтернĕ вăхăтра, чĕре сиксе тухасла тапрĕ. Аслă ушкăнра камсем çĕнтернине юриех час каламан пек туйăнчĕ. Пирĕн шкул ятне каласан вара хамăрăн виçесĕр савăнăçа пытараймарăмăр, "ура!" тесе кăшкăрсах ятăмăр, - тет Кристина Васькова кадет, çĕнтерỹ пирки ĕмĕтленни пурнăçа кĕнĕшĕн хĕпĕртенĕскер.
Смотр-конкурс программине пурнăçланă май кадетсем çар кĕрнеклĕхĕпе йăрăс пỹллĕхне, çирĕплĕхĕпе тĕреклĕхне, строй дисциплинине, команда туслăхне кăтартса панă, çĕкленỹллĕн юрласа пĕр харăссăн утнă. Хĕрлĕ Чутай шкулĕн "Авангард" кадет класĕ аслă ушкăнра _ 9-11-мĕш классенче вĕренекенсем хушшинче иртнĕ хĕрỹ тупăшура _ малти вырăна тухнă, хăйсем чи-чи хастаррисем пулнине тепĕр хут ĕнентерсе панă. Кадет тумне тăхăнса хастарлăхпа палăрма çăмăл мар. Пирĕн кадетсем халĕччен республика тата Раççей шайĕнчи конкурссене хутшăнса пĕрре мар çĕнтерỹпе таврăннă. Çапах та çулсерен иртекен кĕркуннехи тĕрĕслеве пур кадет та чăтăмсăррăн кĕтет, ятарласа хатĕрленет. Кадетсем, паллах, чăннипех те маттур. Анчах та çитĕнỹ чылай чухне ытларах ертỹçĕрен килет. Хĕрлĕ Чутай шкулĕн кадечĕсене ỹсĕм çулĕпе малалла талпăнма Эдуард Романов педагог пулăшать. Вăл тăрăшнипех ачасем шкул чысне çỹлте тытса пыраççĕ. Хĕрлĕ Чутай шкулĕнче хĕр упраçпа яш-кĕрĕмрен çĕр-шыва юрăхлă çынсем тăвас тесе тăрăшаççĕ. Уроксене вĕрентессине пысăк тимлĕх уйăрнипе пĕрлех ачасемпе шкул тулашĕнче ĕçлени, вĕсемпе тĕрлĕ конкурс-ăмăртăва хутшăнса çĕнтерни вĕренекенсене тивĕçлĕ воспитани парас ĕçре витĕм кỹнине асра тытаççĕ.
Алина КАРПОВА.