19 ноября 2014 г.
Чăваш Ен Пуçлăхĕ Михаил Игнатьев республикăн Патшалăх Канашне яракан Çырăва хатĕрлес ĕç малалла пырать. Çав документра Правительство, Патшалăх Канашĕ, вырăнти хăй тытăмлăх органĕсем, предприятисемпе организацисем малашлăхра мĕнле ĕçлессине палăртĕç. Çырăва хатĕрленĕ май республикăра пурăнакансен шухăшне те шута илĕç. Халăхăн пурнăç пахалăхне ỹстерме чи малтанах мĕн тумалла? Чăваш Ен Пуçлăхĕн ытларах мĕнле темăсене тимлĕх уйăрмалла? Пĕрремĕш сĕнỹсем килме пуçланă та ĕнтĕ. Вулаканăм, эсĕ те хăвăн шухăшна çак адреспа пĕлтерме пултаратăн: Чăваш Республики, Шупашкар хули, Президент бульварĕ, 10-мĕш çурт; e-mail: pres0@cap.ru _ "Çырăва хатĕрлеме".