22 ноября 2014 г.
Республикăра мирлĕ вăхăтра çар тивĕçĕсене пурнăçланă чух вилнисене асăнса, вĕсен ячĕсене ĕмĕрсене хывса хăварас тĕллевпе Астăвăм кĕнекине кăларасшăн. Çавна май ЧР Культура, национальность тата архив ĕçĕсен министерстви республикăра пурăнакансене кĕнеке хатĕрлес ĕçе хутшăнма чĕнет. Ĕç пуçланнă ĕнтĕ. Кĕнекене Чăваш Республикинче çуралнă, çар тивĕçĕсене пурнăçланă май тĕрлĕ хирĕç-тăрура, вăрçăра (1946 çултан пуçласа хальхи вăхăтчен) пуçĕсене хунă салтаксем çинчен пĕлтернисене кĕртесшĕн. Ку вăхăт тĕлне республикăри кинодокументаци тата патшалăх архивĕнче, çар комиссариачĕсенче ĕçлекенсем çарта тăнă 580 салтак ятĕнчен тăракан список пухнă, унта хушамат, ят, ашшĕ ячĕ, звани, должность, хăçан çурални, çара ăçтан кайни, ăçта çарта тăни, çапăçни, вилни, пытарни, наградисем паллă. Анчах та ку список тулли мар. Çĕнĕ ятсем тупăнсан вăл хушăнсах пырĕ. Списокпа республикăн власть органĕсен официаллă порталĕнче "Чăвашсен республикăри "Астăвăм кĕнеки" баннерта паллашма май пур. Камăн та пулса çĕнĕ сведенисем пур пулсан район администрацийĕн культура пайне 2015 çулхи мартăн 31-мĕшĕччен çитерсе пама тăрăшмалла.
А.ЗАМУТКИНА.