22 ноября 2014 г.
- 15 ача çуралнă, 33 çын вилнĕ. Районти ЗАГС пайĕ 10 уйăхри ĕçсене пĕтĕмлетнĕ май октябрьте пĕтĕмпе 59 гражданла акта регистрациленине пĕлтерет, вăл шутран: 15-шĕ _ ача çурални çинчен, 33-шĕ _ вилни, 7-шĕ _ пĕрлешни, 2-шĕ _ уйрăлни пирки.
- Вутăн алли вăрăм. Кăçал пушарсен шучĕ уйрăмах Тралькасси (улттă, пĕлтĕр виççĕ пулнă), Атнар (çиччĕ, виççĕ пулнă) ял тăрăхĕсенче ỹснĕ. Çавăнпа ноябрĕн 19-мĕшĕнче асăннă ял тăрăхĕсенче профилактика ĕçĕпе килĕшỹллĕн республикăри пушар службин начальник çумĕ Вячеслав Укладов тата районти 33-мĕш пушар чаçĕн начальникĕ Александр Наумов халăхпа тĕл пулса калаçнă.
- 93-ре тесе калаймăн. Ноябрĕн 15-мĕшĕнче Березовкăри вăхăтлăх пурăнмалли çуртра пурăнакан Перасковия Васюкова Хусанта иртнĕ инвалидсен "Çĕнтерỹ салючĕ" Пĕтĕм Раççейри фестивалĕн регионти тапхăрне хутшăннă, чăваш юррисене шăрантарнăшăн "Наци пуянлăхĕ" номинацире Диплома тивĕçнĕ. А.ЗАМУТКИНА хатĕрленĕ.