26 ноября 2014 г.
Ноябрĕн 17-28-мĕшĕсенче "Раççей 24" телеканалпа "Антология антитеррора" документлă фильмсен 12 сериллĕ ярăмĕ куллен 23 сехет те 30 минутра эфира тухать. Терроризм _ этемлĕх умне тухса тăнă чи пысăк хăрушлăхсенчен пĕри. Камсем-ха вĕсем террористсем? Пусмăр идеологийĕн тыткăнне камсем лекеççĕ, ислам тĕнĕ мĕне вĕрентет? Фильмра уйрăм интервьюсем, политиксен, психологсен, экспертсен, террористсемпе кĕрешекенсен подразделенийĕсен ветеранĕсен, тĕн çыннисен шухăшĕсем, ятарлă службăсен оперативлă ỹкерĕвĕсем. Çаксене пĕтĕмпех Владимир Машков хутшăннипе хатĕрленĕ. Хаклă вулакансене документлă фильма пăхма сĕнетпĕр. Эсир ăна мĕнле хаклатăр? Хăвăр сĕнĕвĕрсене редакцие çырса е шăнкăравласа пĕлтерĕр. Фильма пĕрле сỹтсе явăпăр.