26 ноября 2014 г.
Чăваш Республикин прокурорĕн йышăнăвĕпе килĕшỹллĕн прокуратура район территорийĕнче миграци саккунне пăхăннине асăрхасах тăрать. Кăçал район прокуратури ку енĕпе миграци сферинче ведомствăсем хушшинче икĕ канашлу ирттерчĕ. Мероприятисене Çĕмĕрлери районсем хушшинчи шалти ĕçсен пайĕн, Федераллă миграци службин районти уйрăмĕн, Федераллă хăрушсăрлăх службин Çĕмĕрлери управленийĕн, вырăнти хăй тытăмлăх органĕсен представителĕсем хутшăннăччĕ, район территорийĕнчи миграци лару-тăрăвне тишкернĕччĕ. Тишкерỹ пĕтĕмлетĕвĕсемпе тивĕçлĕ органсем район территорийĕнче пурăнакан ют çĕр-шыв гражданĕсем тата гражданлăх çуккисем миграци саккунне пăхăннине тĕрĕслесе тăраççĕ. Çавăн пекех район прокуратури асăннă саккуна Федераллă миграци службин районти уйрăмĕнче еплерех пăхăннине тĕрĕслерĕ, çитменлĕхсем тупса палăртрĕ: ют çĕр-шыв тата Раççей гражданĕсене административлă явап тыттарнă чухне саккуна пăсни тĕл пулнă. Унсăр пуçне ют çĕр-шыв гражданĕсен заявленийĕсене пăхса тухнă чух та саккуна пăхăнманни курăннă. Тĕрĕслев кăтартăвĕсемпе Федераллă миграци службин Чăваш Республикинчи управленийĕн ертỹçине представлени тăратнă.
Диана САВИНКИНА, район прокурорĕн пулăшуçи.