Публикации » Ял тăрăхĕн пуçлăхĕ сăн ỹкерме ăста

03 декабря 2014 г.

Нумаях пулмасть Шупашкарти Наци библиотекинче хевтесĕррисем хушшинче ирттернĕ "Чăрмавсăр тĕнче" фотопроект çĕнтерỹçисене чысланă. Конкурса йĕркелесе ирттернĕ май инвалидсен республикăри организацийĕн пуçарăвĕпе районсенче пурăнакан хевтесĕр çынсене сăн ỹкерме вĕрентнĕ, кирлĕ сĕнỹсем панă. Унтан вĕсен ĕçĕсене пĕрле пухнă та Наци библиотекинче курав йĕркеленĕ. Ноябрĕн 17-мĕшĕнчен пуçласа асăннă проекта хутшăннă 14 районти 22 фотографăн сăн ỹкерчĕкĕсемпе паллашма май пулнă. Палăртма кăмăллă, Хĕрлĕ Чутай ял тăрăхĕн пуçлăхĕ Леонид Аргандейкин асăннă фотоконкурсра çĕнтерме пултарнă. Сăмах май, Леонид Аргандейкин сăн ỹкерессипе унччен те кăсăкланнă иккен. Çавăнпах пулĕ жюри унăн ĕçĕсене пысăк хак панă. Пултаруллă ял тăрăхĕн пуçлăхĕ хевтесĕррисен пурнăçĕ çинчен фотоискусство мелĕпе каласа парса Диплома тивĕçнĕ.

А.КАРПОВА.