Публикации » "Сывлăх профильне" йышăннă

13 декабря 2014 г.

Чăваш Енре "Сывлăх профильне" çирĕплетнĕ. Асăннă документа ЧР Пуçлăхĕн Михаил Игнатьевăн Чăваш Енре пурăнакансен сывлăхне çирĕплетмелли тата пурнăç пахалăхне лайăхлатмалли мерăсем çинчен калакан указне пурнăçа кĕртнĕ май хатĕрленĕ. Çитес вăхăтра çакăн пек "профиле" республикăри кашни хулапа районта хатĕрлĕç. Çавна май муниципалитетсенче территори уйрăмлăхĕсене тишкермелле тата факторсен комплекслă анализне туса ирттермелле, унăн никĕсĕ çинче сывлăх, демографи лару-тăрăвне лайăхлатмалли сывлăх аталанăвĕн стратеги планне хатĕрлемелле. 2015 çулта муниципалитетсен сывлăх профильне Чăваш Республикинче пурăнакансен сывлăхне сыхлас ыйтупа ĕçлекен Правительство комиссийĕн ларăвĕсенче тишкерĕç. А.ДМИТРИЕВА.