Публикации » Çĕнĕ технологи сăвăма хăпартнă

13 декабря 2014 г.

Халĕ лайăх аталанакан ял хуçалăх производство кооперативĕсенче ĕç майĕсене улăштарса ĕçлеме тăрăшаççĕ. "Коминтерн" хуçалăхра та çаплах. Сăмахран, Трапайри сĕт-çу комплексĕнче ĕçлекенсем сăвакан 420 пуç ĕнене çитерессине çĕнĕ майпа _ Германи технологийĕпе _ йĕркеленĕ. Çавна пулах сăвăм та ỹснĕ. Хуçалăх ертỹçи Альбина Новикова сĕт-çу ферминче ĕçлекенсене пурне те ырăпа асăнать. Çав хушăрах сĕт-çу фермин заведующийĕ Андрей Данилов уйрăм тав сăмахне тивĕçлĕ, тет. Андрей Геннадьевичăн тăрăшулăхне пула сĕт производствине 177 процент ỹстерме май килнĕ. Çакăншăн вăл "Районти сĕт-çу фермин чи лайăх заведующийĕ" ята тата район администрацийĕн Хисеп грамотине тивĕçрĕ. Андрей Данилов хуçалăхра нумай çул вăй хурать. Малтанах вăл зоотехникра, каярахпа тĕп зоотехникра ĕçленĕ. Выльăх ĕрчетекенсен опычĕпе паллашас тĕллевпе вăл ют çĕр-шывра та пулса курнă. Коллективра та, районта та хисепе тивĕçнĕ ял хуçалăх ĕçченĕ çемйипе Трапай ялĕнче пурăнать. Мăн Этмен шкулĕнче учительте ĕçлекен мăшăрĕпе вĕсем икĕ ача ỹстереççĕ. А.ЗАМУТКИНА.