Публикации » Курăр, эпĕ - Раççей гражданинĕ!

17 декабря 2014 г.

Раççей Конституцийĕн кунĕнче, декабрĕн 12-мĕшĕнче, Культурăпа кану центрĕнче савăнăçлă та пăлхануллă мероприяти иртрĕ _ 14 çул тултарнă тăхăр шкул ачи Раççей гражданинĕн пĕлтерĕшлĕ документне _ паспорта _ алла илчĕ. Ăна районăн çамрăк гражданинĕсене район администрацийĕн пуçлăхĕ Александр Башкиров тата Раççей Миграци службин районти уйрăмĕн тĕп эксперт специалисчĕ Елена Шорникова парса саламларĕç. Çитĕнекен ăрăва гражданла тата патриотизмла воспитани пама пулăшакан мероприятире ачасемпе пĕрлех ашшĕ-амăшне, юлташĕсене курма пулчĕ. Алла паспорт илни: "Курăр, эпĕ _ Раççей гражданинĕ!" _ тесе хăпартланнипе пĕрлех çамрăксен яваплăхĕ ỹснине те пĕлтерет.

А.ТИМОФЕЕВА.