Публикации » Чеелĕхпе çăлăнса юлаймăн

17 декабря 2014 г.

Халĕ Çул çỹрев хăрушсăрлăхĕн патшалăх инспекторĕ фотовидеофиксаци камерисем кăтартнă çул-йĕр правилисене пăхăнманнине çирĕплетекен хушăва 15 кун хушшинче кăна кăларма пултарать. Юлашки вăхăтра автотранспорт хуçисем штрафсенчен пăрăнас тесе автомобиль номерĕсене пытарма вĕренсе çитрĕç. Вĕсем ахаль изолентăпа усă курса номерти паллăсемпе буквăсене юсаççĕ. Штраф вара урăх çын патне çитет. Унсăр пуçне паянхи кун автомобиль номерне пытаракан тĕрлĕ техника хатĕрĕсем чылай. Тĕслĕхрен, автоматлă карăсем е машина номерне тепĕр майлă çавăракан ятарлă хатĕрсем. Малтан кун пек водительсене штраф тỹлеттерме йывăртарах пулнă. Халĕ вара статьяна çĕнĕлĕхсем кĕртнĕ. Чее автотранспорт хуçисен 5 пин тенкĕ штраф тỹлеме тивет е вĕсем пĕр уйăхран пуçласа виçĕ уйăх таран правасăр тăрса юлĕç. Палăртмалла, "телей çырăвĕсем" виçĕ уйăхран та çитме пултараççĕ. Апла пулин те штрафсене тỹлес пулать. Çул çỹрев хăрушсăрлăхĕн патшалăх инспекторне палăртнă вăхăтра хушу кăларманшăн айăплĕç кăна. Халĕ ПАИ "телей çырăвĕсене" почтăпа кăна мар, электрон мелпе те усă курса (çакна валли gosuslugi.ru сайтра регистрациленмелле) яма пултарать. А.АЛЕКСЕЕВА.