20 декабря 2014 г.
"Единая Россия" политика партийĕ ирттерекен "Ача-пăча спорчĕ" проектпа килĕшỹллĕн шкулсенчи спортзалсене тĕпрен юсаççĕ. Пирĕн депутатсем _ Чăваш Патшалăх Канашĕн депутачĕсем Николай Маловпа Валерий Павлов _ тăрăшнипе кăçал районта Мăн Этмен, Атнар, Çĕн Атикасси шкулĕсен спортзалĕсем çĕнĕ сăн кĕртсе пуянланчĕç. Паян кунта ачасене спортпа туслашма пур мелсем те пур. Апла пулсан, тавах пирĕн депутатсене тата "Единая Россия" политика партине! Спортзалсенче юсав ĕçĕсем ирттерме федераллă тата республика бюджечĕсенчен кашни шкулне 820 пиншер тенкĕ уйăрнă. Çак укçапа усă курса шкулсен спорт залĕсенче пластик чỹречесем лартнă, малтанхи алăксене &¸ĕннисемпе улăштарнă, çĕнĕ урайсем сарнă, стенасене сăрласа илемлетнĕ тата ытти юсав ĕçĕсене тунă. Арçын ачасемпе хĕр ачасем валли уйрăм туалетпа душ та пур халĕ асăннă шкулсен спортзалĕсем çумĕнче. Çавăн пекех халĕ пирĕн спортзалсем спорт инвентарĕпе те пуян. Декабрĕн 17-мĕшĕнче çĕнатикассисен чылайранпа кĕтнĕ кун çитрĕ темелле! Хăйсен чикĕсĕр савăнăçне вĕсем йышлă хăнасемпе пайларĕç. Вĕсене район пуçлăхĕ Александр Степанов, район администрацийĕн пуçлăхĕ Александр Башкиров, Чăваш Патшалăх Канашĕн депутачĕ Валерий Павлов, Шупашкартан килсе çитнĕ информаци ушкăнĕн ертỹçи, Чăваш Республикин Шутлавпа тĕрĕслев палатин председателĕн çумĕ Сергей Швардаков тата ыттисем те саламларĕç. Паян Çĕн Атикасси шкулĕн спортзалĕнче физкультура учительне ĕçлеме тата ачасене спортпа туслашма пĕтĕмпех пур. Палăртмасăр иртес килмест: çĕнатикассисем уява чаплă хатĕрленнĕ, уйрăмах физкультура учителĕн Светлана Петрейкинан яланхи пекех ĕçĕ курăмлă, хăйĕн ĕçне юратнипе пĕрлех ачасене юратни те самаях палăрчĕ, савăнăç куççулĕ те унпа пĕрлех пулчĕ. Светлана Николаевна районти ытти учительсемшĕн те тĕслĕх вырăнĕнче. Унăн ĕçĕн ырă енĕсене ыттисем те ăша хывсан лайăхчĕ. Маттур, Светлана Николаевна! А.ОРИНОВА.
¸