Публикации » Ỹсĕр водительсене - 200 пин тенкĕ таран штраф

20 декабря 2014 г.

Декабрĕн 12-мĕшĕнче Патшалăх Думи ỹсĕр водительсене пырса тивекен уголовлă яваплăх тĕлĕшпе тỹрлетỹсем тунă. Саккун проектĕнче руль умне ỹсĕрле темиçе хут ларнă водительсен сахалтан та 200 пин тенкĕ штраф тỹлеме тивессине палăртнă. Чи пысăк айăплав _ икĕ çуллăха тĕрмене ăсатасси. Кунсăр пуçне çул çинчи пăтăрмахшăн айăплисем валли ирĕксĕр хăвармалли срока йышăнаççĕ. Водительсен авари йывăрлăхне кура 2-4 çултан сахал мар ларма тивĕ. Çак тỹрлетỹсене 2015 çулхи июль уйăхĕнчен вăя кĕртме палăртаççĕ. Халĕ вара ỹсĕр водительсене административлă явап тыттараççĕ. Тепĕр хут тытсан 50 пин тенкĕ тỹлемелле тăваççĕ тата виçĕ çуллăха правасăр хăвараççĕ.

А.ДМИТРИЕВА хатĕрленĕ.