Публикации » Пĕр харăс тăватă ача сачĕ уçăлнă

27 декабря 2014 г.

 Декабрĕн 25-мĕшĕнче Шупашкарта тăватă ача сачĕ уçăлнă. Вĕсенчен пĕрине _ 240 вырăнлă "Непоседы" ача садне _ республикăн Министрсен Кабинечĕн тухăçлă ĕçĕшĕн панă премипе усă курса туяннă. Бассейнлă, музыка, спорт залĕсемлĕ, компьютер класĕллĕ "Непоседы" ача садĕнче 12 ушкăн пулĕ, вĕсенчен 8-шĕ _ виçĕ çул тултарман пепкесем валли. Хевтесĕррисем ача садне çăмăллăнах кĕрсе çỹреччĕр тесе те майсем туса панă кунта. Урамра 12 вăйă тата пĕр спорт лаптăкĕ пур. Ачасене воспитани парас енĕпе 35 педагогика ĕçченĕ тимлĕ. Аса илтеретпĕр, кăçал Чăваш Республики Раççей Правительствин 165 млн та 59 пин тенкĕпе танлашакан грантне тивĕçрĕ, çак укçапа Шупашкарти "Садовый" микрорайонĕнче çĕкленĕ ача садне туянма палăртнă. А.ТИМОФЕЕВА.