14 января 2015 г.
2015 çулхи январĕн 6-мĕшĕнче районти "Хастар" физкультурăпа спорт комплексĕнче шахматистсен пĕрремĕш Раштав турнирĕ иртрĕ. Ырă йăлапа вăл çĕнĕ çулти ăмăртусен вăрăм тапхăрне уçрĕ. 8-11 классенчи каччăсем хушшинче Александр Ефремов (Хĕрлĕ Чутай шкулĕ) пĕрремĕш пулчĕ, Евгений Васильев (Хĕрлĕ Чутай) _ иккĕмĕш, Дмитрий Максимов (Çĕн Атикасси) _ виççĕмĕш. 5-7 классенчи яшсем хушшинче шулюсем пьедесталăн пур картлашкине те йышăнма пултарчĕç: Валерий Кудряшов - пĕрремĕш, Николай Жидков - иккĕмĕш, Дмитрий Мерзлайкин - виççĕмĕш. Çак ỹсĕмри хĕрсем хушшинче Анастасия Инжебейкина (Хĕрлĕ Чутай) пĕрремĕш пулчĕ, Яна Никифорова (Хĕрлĕ Чутай) _ иккĕмĕш, Наталья Тиверкина (Çĕн Атикасси) - виççĕмĕш. 1-4 классенчи арçын ачасем хушшинче Даниил Романов (Хĕрлĕ Чутай) мала тухрĕ. Тимур Туйманов ("Хĕвел" ача сачĕ) пьедесталăн иккĕмĕш картлашки çине тăма пултарчĕ. Çак ỹсĕмри хĕр ачасем хушшинче Дарья Романова (Хĕрлĕ Чутай) пĕрремĕш вырăн йышăнчĕ, Мария Инжебейкина (Шулю) _ иккĕмĕш, Светлана Инедеркина _ виççĕмĕш. Арçынсем хушшинче Мăн Этменти учитель-пенсионер Николай Сергеев палăрчĕ, Туктамăшри Николай Са-мышкин иккĕмĕш вырăн йышăнчĕ, Урикассинчи Леонид Петров "пăхăра" тивĕçрĕ.
А.ТУЙМАНОВ, ăмăртусен тĕп судйи.