Публикации » Ятарлă электрон почта ĕçлесе кайĕ

14 января 2015 г.

Кăçалхи февраль уйăхĕнчен Раççейре юридици пĕлтерĕшлĕ корреспонденци валли электрон форматпа ятарлă тытăм ĕçлесе каймалла. Вăл пĕлтерĕшлĕ документсемшĕн хăйне евĕр e-mail. Унпа организацисем те, çынсем те усă курма пултарĕç. Усă курнă чухне электрон мелпе алă пусĕç. Вăл тулли документ шутланĕ. Тĕслĕхрен, унпа судра та усă курма пултарĕç. Çапла майпа çынсене тĕрлĕ документ ярса пама май пулĕ: суда каймалли повестка, штраф пирки пĕлтерни тата ытти те. Çыру çыннăн харпăр электрон пỹлĕмне килĕ. Тытăма Роскомнадзор тĕрĕслесе тăрĕ. Электрон çырусене вара Раççей Почти илсе çитерĕ. Тытăма патшалăх сайчĕсемпе çыхăнтарĕç. Проекта февраль уйăхĕ-нче пуçарма шутлаççĕ. Ăна халĕ тĕрĕсленĕ ĕнтĕ. Хăш-пĕр япалана çеç вĕçне çитермелли юлнă. Раççей Почти кун валли пĕр уйăха яхăн кăна вăхăт кирлĕ тесе шутлать.

А.ДМИТРИЕВА.