Публикации » Йывăр вăхăт çапса хуçман

16 января 2015 г.

Вăрăм ĕмĕрлĕ çынсем пирĕн хушăра нумай мар. Вĕсем терт-нушине самай курнă, выçăллă-тутăллă та пурăннă. Апла пулин те пурнăç вĕсене çапса хуçман. Мучикасси ялĕнче пурăнакан Матрена Фомина январĕн 14-мĕшĕнче 95 çул тултарнă. Сумлă юбилей ячĕпе вăрăм ĕмĕрлĕ ватă патне Раççей Президенчĕн Владимир Путинăн саламлă Çырăвĕ çитнĕ. Матрена Артемьевна унччен вăрман леш енче пурăннă, халĕ вара аккăшĕн ывăлĕн çемйинче хăтлăх тупнă. Вăрçă вăхăтĕнче Матрена Фомина фермăра ĕçленĕ, кĕтỹ пăхнă. Çĕнтерĕве çывхартас тесе ыттисемпе танах вăй хунă, пĕр ĕçрен те юлман хисеплĕ ватăна Аслă Çĕнтерĕве 70 çул çитнĕ куна ырă-сывă кĕтсе илме, татах та нумай çул пурăнма сунатпăр. А.ТИМОФЕЕВА.