28 января 2015 г.
Январь уйăхĕн 23-мĕшĕнче Шупашкарта Чăваш патшалăх оперăпа балет театрĕнче кăçалхи çулталăка Раççейре _ Литературăна, Чăваш Енре К.В.Иванова халалланă май савăнăçлă мероприяти иртрĕ. Унта пирĕн районти культура ĕçченĕсем, вăл шутра райадминистрацин культура пайĕнче, библиотекăсенче, редакцинче тăрăшакансем тата ыттисем хутшăнчĕç. Вĕсем кĕнекесен куравĕ-семпе паллашрĕç, пысăк концерт курса савăнчĕç.
Уява хутшăннă Чăваш Ен Пуçлăхĕ Михаил Игнатьев хăйĕн сăмахĕнче кăçал Литература çулталăкĕ пулнă май обществăра литературăпа вулав туртăмне пысăклатмаллине, тăван халăхăн культурăпа истори еткерне сыхласа хăвармаллине палăртрĕ. "Чăваш Енре 2015 çул _ Константин Иванов çулталăкĕ. Çакна кăçал К.В.Иванов çуралнăранпа 125 çул çитнине халалласа йышăнтăмăр. Çыравçăн чи паллă ĕçĕ _ "Нарспи" поэма _ пурин чĕрине те ĕмĕрлĕ-хех кĕрсе юлчĕ. Çак хайлавра çынна юратма, тăван çĕре хисеплеме, мăн асаттесен йăли-йĕркине астуса пурăнма вĕрентекен тĕлĕнмелле паха культурăна çырса кăтартнă. Эпир çак пархатарлă ĕçе, пуян тупрана упраса хăварма тивĕç. 2015 çулта Литература тата Констан-тин Иванов çулталăкне халалланă меро-приятисем чылай пулĕç. Вĕсем чăваш халăхĕн, уйрăмах çитĕнекен ăрăвăн, куль-тура шайне ỹстерме, регионсем хушшинчи хутшăнăва çирĕплетме пулăшĕç", _ терĕ Михаил Игнатьев. Ĕçре хастар пулнисем савăнăçлă меро-приятире республика Пуçлăхĕн аллинчен патшалăх наградисене тивĕçрĕç. Çавăн пекех ЧР Пуçлăхĕ çамрăк вĕрентекенсемпе вулавăшсенче тимлекенсене ятарлă стипендие тивĕçнине çирĕплетекен свиде-тельство парса хавхалантарчĕ.
Литература çулталăкне халалланă уяв программи чаплă, пуян та инте-реслĕ, куракансемшĕн малашне вăй-хăват парса тăракан хăйне евĕр чун апачĕ пулчĕ. Савăнса та мухтанса пĕлтеретпĕр, уяв программине хатĕ-рлесе йĕркелекенĕ _ Серенкассинче çуралса ỹснĕ кино тата театр режиссерĕ Вячеслав Оринов.
А.ЗАМУТКИНА.