28 января 2015 г.
Пĕтĕм Раççейри общество шухăшне тĕпчекен центр çĕр-шыв элитин рейтингне кашни çулах йĕркелет. Ыйтăма 2014 çулхи декабрьте ирттернĕ. Унта çĕр-шыври 46 облаçри, крайри, республикăри 132 ял-хулари 1600 çынран ыйтнă. Владимир Путин Раççей элитин рейтингне 10 çул ертсе пырать ĕнтĕ. 2014 çулта, виçĕм çулхипе танлаштарсан, унăн хушаматне асăннисен йышĕ палăрмалла ỹснĕ. Унччен 66 процент пулнă-тăк, халĕ _ 81 процент. Иккĕмĕш вырăнта _ Дмитрий Медведев. Уншăн 28 процент сасăланă (2013 çулта _ 36 процент). Сергей Шойгу списокра виççĕмĕш вырăна тивĕçнĕ. Унăн ятне респондентсен 26 проценчĕ асăннă. Сергей Лавров халăх рейтингĕнче хăйĕн позицине лайăхлатнă. 2010 çулта унăн кăтартăвĕ 8 процент кăна пулнă-тăк, пĕлтĕр _ 21 процент. Михаил Прохоров списокра самай аяла аннă: 13 процентран 4 процент таран чакнă. Топ-10 списока Владимир Жириновский (15 процент), Алла Пугачева (11 процент), Геннадий Зюганов (8 процент), Никита Михалков (7 процент), Иосиф Кобзон (7 процент), Андрей Малахов (7 процент) кĕнĕ. Чăн та, Алла Пугачеван пĕлтĕрхи кăтартăвĕ виçĕм çулхинчен пĕчĕкрех. Списока Валентина Матвиенко, Сергей Иванов, Мускав тата Пĕтĕм Раççей Патриархĕ Кирилл, Сергей Собянин, Игорь Крутой, Филипп Киркоров тăснă. Çĕр-шыв çыннисем элита рейтингне 3-шер процент сасă парса Дмитрий Нагиева, Евгений Плющенкăна, Владимир Соловьева, Рамзан Кадырова кĕртнĕ. Максим Галкин, Александра Пахмутова, Алиса Фрейндлих, Николай Басков, Иван Ургант, Алексей Миллер, Сергей Нарышкин, Сергей Миронов, Георгий Полтавченко 2-шер процент сасă пухнă. Рейтингри ытти çынсемшĕн 1-ер процент сасăланă. Вĕсен йышĕ-нче, тĕслĕхрен, Олимп чемпионки Юлия Липницкая, спорт представителĕсем Александр Овечкин, Татьяна Тарасова; культура деятелĕсем Анна Нетребко, Станислав Говорухин, Михаил Боярский пур.