04 февраля 2015 г.
Хĕрлĕ Чутай салинче çуралса ỹснĕ, кунти вăтам шкулта вĕреннĕ Снежана Иванова нумаях пулмасть республика Пуçлăхĕн стипендиачĕн ятне илме тивĕç пулчĕ. Хальхи вăхăтра Снежана Шупашкарта пĕлỹ илет, вăл _ Кооператив институчĕн иккĕмĕш курс студентки. Бухгалтер учечĕпе ĕçлевлĕх информатикин факультетĕнче вĕренекен хĕр упраç институтăн обществăлла пурнăçне активлă хутшăнать, хăйĕн хастарлăхĕпе ытти студентсене те хавхалантарать. Шут ĕçне вĕренекен, француз чĕлхипе кăсăкланакан хĕр спортра та çитĕнỹсем тăвать. Çакăнтан ним тĕлĕнмелли те çук-ха ĕнтĕ _ Снежанăн амăшĕ, Галина Мидейкина, Хĕрлĕ Чутайри вăтам шкулта физкультура учителĕнче тăрăшаканскер, хĕрне те спортпа туслă пулма хăнăхтарнă. Çăмăл атлетика енĕпе Снежана пĕрре кăна мар хула, республика, çĕр-шыв шайĕнчи ăмăртусенче палăрнă. Вăл факультетăн пĕрлештернĕ волейбол командин капитанĕ те. Çакăн пек маттур çамрăксем алла диплом илсен районах таврăнсан, тăван кĕтес аталанăвĕшĕн тăрăшсан тем пекехчĕ.
Алина КАРПОВА.
Источник: "Пирěн пурнăç"