04 февраля 2015 г.
2014 çулта эпир сăнаса тăракан Çĕмĕрлепе Хĕрлĕ Чутай районĕсенче 58 авари пулнине шута илтĕмĕр, çакă виçĕмçулхинчен 23,7 процент сахалтарах. Анчах та çул-йĕр инкекĕсенче вилекенсен шучĕ ỹсрĕ _ пĕлтĕр çул çинче 15 çын пурнăçĕ татăлчĕ (виçĕмçул _ 13), 73 çын йывăр аманчĕ. Хĕрлĕ Чутай районĕнче пĕлтĕр аварисенче тăватă çын вилчĕ, вĕсенчен пĕри _ çуран çỹрекен. Аварисен тĕп сăлтавĕ _ хăвăртлăха ỹстерни, ỹсĕрле руль умне ларни, çул урлă каçмалли вырăнта водительсем тата çуран çỹрекенсем правилăсене пăсни. Ачасем хутшăннипе пулакан аварисен шучĕ 50 процент чакрĕ, пĕчĕккисем вилнĕ тĕслĕхсем пулман. Пĕтĕмĕшле илсен, водительсем ỹсĕрле руль умне ларнăран çынсем вилнĕ тата аманнă тĕслĕ-хсем нумайланчĕç. Çавăн пекех çул-йĕр условийĕсем япăхран та аварисем пулчĕç _ пурĕ 21 тĕслĕх. Çул-йĕр çинче инкексем ан пулччăр тесе ятарлă комисси ларăвĕсене ирттерсех тăратпăр, тĕрлĕ рейдсем, калаçусем йĕркелетпĕр.
Владимир ГАЛКИН, Çул-йĕр хăрушсăрлăх инспекцийĕн Çĕмĕрлери уйрăмĕн начальникĕ.
Источник: "Пирěн пурнăç"