Публикации » Раççейри смотр-конкурсра çĕнтернĕ

06 февраля 2015 г.

Раççей Федерацийĕн Спорт министерстви предприятисемпе организацисенче физкультурăпа спорт ĕçне йĕркелессипе ирттернĕ Пĕтĕм Раççейри смотр-конкурсне пĕтĕмлетнĕ. Палăртма кăмăллă, çĕнтерỹçĕсен шутĕнче Чăвашпотребсоюз та пур. Пирĕн районта та Чăвашпотребсоюз председателĕн, Чăваш Патшалăх Канашĕн депутачĕн Валерий Павловăн парнисене çĕнсе илессишĕн йĕлтĕр çине тăраççĕ. Çавăн пекех "Пирĕн пурнăç" хаçат редакцийĕ ирттерекен спорт фестивальне те кооператорсем хутшăнаççĕ. Пĕлтĕр Чăвашпотребсоюз председателĕ Валерий Михайлович Павлов фестивале хăй те хутшăнчĕ, çĕнтерỹçĕсене хăйĕн ятĕнчен парнесем парса та чысларĕ. Спортпа ĕç ялан юнашар теççĕ. Чăваш Ен кооператорĕсен ĕçне хаклакан каларăш ку. Мĕншĕн тесен Чăвашпотребсоюз физкультурăпа спорт ĕçне йĕркелес тĕлĕшпе ирттерекен республика конкурсĕнче пĕрре мар диплома тивĕçнĕ е лауреат пулса тăнă. Çавăн пекех Чăвашпотребсоюз _ Раççей Центросоюзĕн экономика ăмăртăвĕн çĕнтерỹçи тата призерĕ.

А.САН.

Источник: "Пирěн пурнăç"