Публикации » Выльăхсемшĕн тăрăшакана - Раççей шайĕнчи хисеп

18 февраля 2015 г.

Агропромышленность комплексĕн тытăмĕнче нумай çул хушши тỹрĕ кăмăлпа ĕçленĕшĕн Лидия Андреевнана Раççей Федерацийĕн Ял хуçалăх министерствин Тав сăмахне парса чысларĕç. Асăннă наградăна вăл Чăваш Республикин Министрсен Кабинечĕн Председателĕн çумĕнчен _ строительствăпа архитектура, коммуналлă хуçалăх министрĕн Олег Марковăн аллинчен илме тивĕç пулчĕ. Лидия Крыцова "Нива" ЯХПК-ра 30 çул ытла ĕçлет. Шанса панă ĕçе тивĕçлĕ пурнăçлать, хуçалăхăн выльăх-чĕ-рлĕх отрасльне аталантарассине пысăк тимлĕх уйăрать. Вăл ĕçе тĕрĕс йĕркелесе пыма пĕлнĕрен хуçалăх ĕнисем сĕт лайăх параççĕ, выльăхсем ỹт аван хушаççĕ. Ĕçчен те пултаруллă зоотехник пур çĕрте те ĕлкĕрет, çавăнпах коллективра та, ял-йышра та хисепе тивĕçнĕ вăл.

Алина КАРПОВА.

Источник: "Пирěн пурнăç"