Публикации » Тăван шкулне çитсе курнă

20 февраля 2015 г.

Атнар шкулĕн 2013 çулхи выпускникĕ Александр Жиганов Саратоври çар институтĕнче офицерсене хатĕрленĕ çĕрте иккĕмĕш курсра вĕренет ĕнтĕ. Нумаях пулмасть вăл хăйĕн тăван шкулне çитсе курнă, кунти вĕренекенсемпе тĕл пулса калаçнă. Малтанах Александр çамрăк-сене Саратоври çар институчĕн историйĕпе паллаштарнă, унти паллă выпускниксем çинчен каласа панă. Асăннă вĕренỹ заведенийĕнчен вĕренсе тухнă çамрăксем Совет Союзĕн Геройĕ, Социализмла ĕç Геройĕ, Раççей Геройĕ ятсене тивĕçнине пĕлтернĕ. Курсант пурнăçĕ çăмăл мар пулнине те асăнса хăварнă. Çавăн пекех çамрăк курсант пулас хỹтĕлевçĕ-сене çар институтне вĕренме кĕмелли правилăсемпе туллин паллаштарнă. Ачасем тĕл пулупа кăмăллă юлнă. Аслă классенче вĕренекенсенчен хăшĕ-пĕ-ри асăннă вĕренỹ учрежденине вĕренме кĕресшĕн пулнине пĕлтернĕ. Вĕсемпе курсант уйрăммăн калаçнă, сĕнỹ-канашпа пулăшнă.

Источник: "Пирěн пурнăç"