27 февраля 2015 г.
Раççейри хăш регион сĕт нумайрах суса илет-ши? Ку тĕлĕшпе рейтинг иртнĕ. Пушкăртпа Тутар респуб-ликисем, Алтай крайĕ иртнĕ çул "сĕт фермисене" çаврăннă. Вĕсем сĕт суса илессипе малти вырăнсене йышăннă. Сăмахран, Пушкăртстанра 2014 çулта 1773,1 пин тонна сĕт суса илнĕ. Çакă 2013 çулхипе танлаштарсан 3,6 процент нумайрах. Тутарстанра та сĕт суса илесси 1 процент хăпарнă. Пĕлтĕр унта 1728,8 пин тонна сĕт сунă. Асăннă регионсем хыççăн рейтингра Краснодар крайĕ тата Ростов облаçĕ палăрнă. Росстат пĕлтернĕ тăрăх _ 2014 çулта Раççейре пĕтĕмпе 30,6 млн тонна сĕт суса илнĕ. 2013 çулхипе танлаштарсан 0,1 процент нумайрах. Чăваш Ен рейтингра _ 29-мĕш вырăнта. Пĕлтĕр рес-публикăра 423,1 пин тонна сĕт суса илнĕ.
Источник: "Пирěн пурнăç"