Публикации » Мобильлĕ маммографи комплексĕ çула тухнă

27 февраля 2015 г.

Республикăри районсенче тухса çỹрекен маммографи комплексĕ ĕçлеме тытăннă. Тĕрĕслеттерме шут тытнисен малтанах фельдшерпа акушер пунктĕнче, пĕтĕмĕшле практика тухтăрĕ е участокри служба специалисчĕ патĕ-нче çырăнмалла. Тĕпчеве диагностика комплексĕн икĕ рентгенлаборанчĕ ирттерет. Вĕсем хĕрарăмăн усал шыçă пуррине асăрхасанах Республикăри онкологи диспансерне направлени параççĕ. Тухтăрсем 39 çултан иртнĕ хĕрарăмсен пурин те çулсеренех маммографи тĕпчевĕ витĕр тухмаллине палăртаççĕ. Тĕпчев процедури вăрăм мар, 10 минута яхăн çеç. Асăннă куçса çỹрекен комплекс февралĕн 26-мĕшĕччен Шупашкар районĕнче çынсене йышăннă. Çак кунсенче маммографи комплексĕ пирĕн района, унтан Элĕк, Красноармейски, Çĕрпỹ, Сĕнтĕрвăрри районĕсене çитĕ.

А.ЗАМУТКИНА хатĕрленĕ.

Источник: "Пирěн пурнăç"